Реклама от Google

Мектеп туралы

Қош келдіңіздер!
Біз сіздің сайтымызға келгеніңізге шын жүректен қуаныштымыз.

Қарағанды облысының білім басқармасына қарасты «№2 арнайы мектеп-интернаты» коммуналдық мемлекеттік мекемесі 1966 жылғы 2 қарашада Ново-Майқұдық балалар үйінің базасында облыстық оқу бөлімінің №851 бұйрығына сәйкес құрылған.
1995 жылдан бастап мектеп-интернат 28-шағынаудандағы Сатыбалдин көшесі, 21 мекенжайындағы бұрынғы балабақша ғимаратына көшірілді.

1998 жылы бұл мекеме «Тірек-қимыл аппараты бұзылған балаларға арналған облыстық мектеп-интернат» болып қайта аталды.
2019 жылғы 19 қарашадағы Қарағанды облысы әкімдігінің «Білім беру саласындағы кейбір коммуналдық мемлекеттік мекемелерді қайта атау туралы» №65/03 қаулысына сәйкес, 2020 жылғы 4 наурыздан бастап мекеменің атауы «Қарағанды облысының білім басқармасы» «№2 арнайы мектеп-интернаты» коммуналдық мемлекеттік мекемесі болып өзгертілді.

Қызметтің негізгі бағыты:
Тірек-қимыл аппараты бұзылған балаларға сапалы оқу-тәрбие, түзету-дамыту, емдік-сауықтыру үдерістерін ұйымдастыру және жүзеге асыру.

Мектеп-интернатта тірек-қимыл аппараты бұзылған балалар оқиды және тәрбиеленеді (қозғалыс бұзылыстарының әртүрлі түрлері мен ауырлық дәрежелері бар, балалар церебралды сал ауруы, туа біткен және жүре пайда болған тірек-қимыл жүйесінің деформациялары, қол-аяқ бұлшықеттерінің әлсіз салдануы, парездер мен парапарездер байқалатын балалар).

Оқыту мемлекеттік білім беру мекемесінің мәртебесіне сәйкес арнайы білім беру бағдарламалары бойынша жүзеге асырылады және ерекше білім беру қажеттіліктері бар (ЕБҚ) балаларға арналған мектепке дейінгі, бастауыш және негізгі орта білім беру бағдарламаларын қамтиды.

  • Дайындық кезеңі – 1 жыл

  • Бастауыш саты – 1–4 сыныптар

  • Негізгі саты – 5–12 сыныптар

Зияттық бұзылыстары бар балаларға арналған арнайы білім беру бағдарламасы бойынша оқу ұзақтығы – 10 жыл.

Мектеп бес күндік оқу жүйесімен жұмыс істейді.

Мекеменің құқықтық мәртебесі: коммуналдық мемлекеттік мекеме.

Білім беру ұйымының қызметі жарғыға, ішкі тәртіп ережелеріне және оқу үдерісін ұйымдастыруды реттейтін құжаттарға сәйкес жүргізіледі.

Лицензиялар:

  • Білім беру қызметін жүзеге асыру құқығына – №13003079;

  • Тұрақты түрде медициналық қызметпен айналысу құқығына – №000238.

Оқу жылының басында мектептің алдына қойылған міндеттерді орындау үшін қажетті нормативтік-құқықтық база жасақталған: жарғы, қызметтің жекелеген бағыттарын реттейтін жергілікті актілер, оқу жоспары, штаттық кесте.

Түзету ұйымының мақсаты мен міндеті

Бұл ұйым тірек-қимыл аппараты бұзылған балаларды (ТҚАБ) оқыту мен тәрбиелеу, олардың қимыл-қозғалыс функцияларын қалпына келтіру, қалыптастыру және дамыту, психикалық және сөйлеу дамуындағы кемшіліктерді түзету, әлеуметтік-тұрмыстық бейімдеу және қоғамға кіріктіру мақсатында құрылған.
Бұл үдерістер арнайы ұйымдастырылған қимыл тәртібі мен тәжірибелік-пәндік іс-әрекет негізінде жүзеге асырылады.

 

Балаларды қабылдау тәртібі

ТҚАБ бар балалар келесі жағдайларда қабылданады:

  • Өздігінен жүре алатын, жеке күтімді қажет етпейтін балалар;

  • Өздігінен жүре алмайтын, бірақ мектепке физикалық қолжетімділікті қамтамасыз ететін арнайы жағдайлары бар балалар: пандустардың, кең есіктердің, арбаларға арналған көтергіштердің, баспалдақ бойындағы көтергіштің, автоматты есік ашқыштардың болуы.

Медициналық көрсеткіштер

ТҚАБ бар балаларды қабылдауға келесі аурулар негіз бола алады:

  • балалар церебралды сал ауруы (БЦСА);

  • полиомиелиттің салдары (қалпына келу және қалдық кезеңдерінде);

  • тірек-қимыл жүйесінің әртүрлі туа біткен және жүре пайда болған деформациялары;

  • инфекциялық артриттердің салдары, артрогриппоз, хондродистрофия, миопатия;

  • сколиоздың ауыр түрлері.

Мектеп құрамындағы үш кешен:

  1. Оқу-түзету кешені

  2. Емдік-сауықтыру кешені

  3. Интернат бөлімі

Оқу-түзету кешеніне кіреді:

кітапхана, спорт залы (1), қазақ тілі мен әдебиеті кабинеті, химия, тарих, математика, бейнелеу өнері кабинеттері, мектепке дейінгі бөлімнің 2 кабинеті.

Шеберханалар:
ағаш және темір өңдеу (3 кабинет), тігін, қыш (гончар), әлеуметтік-тұрмыстық бағдар (СБО) кабинеті, Монтессори түзету блогы, сенсорлық бөлме, дефектолог, психолог және 2 логопед кабинеті.

Емдік-сауықтыру кешеніне кіреді:

  • емдік дене шынықтыру залы – 2;

  • түзету ырғақ (ритмика) залы;

  • массаж және гидрокинезотерапия кабинеттері;

  • бассейн, медициналық блок.

Интернат бөлімі:

асхана, 6 ұйықтайтын бөлме, демалыс бөлмесі, кір жуу ғимараты бар.

Әлеуметтік және еңбекке бейімдеу

Мектеп-интернатта әлеуметтік-тұрмыстық бейімдеу мақсатында бастапқы кәсіпке дейінгі дайындық ұйымдастырылған.

Инклюзивті орта және қолжетімділік

Мектепте кедергісіз орта жасалған:
пандустар, тұтқалар (поручни), лифт, арнайы жабдықталған оқу орындары, көпфункциялы арбалар (ДЦП бар балалар үшін), вертикализаторлар, айқын түспен боялған есіктер мен баспалдақтар бар.

Дәретханаларда жедел шақыру түймелері, раковина тұтқалары, таяқ ұстағыштар орнатылған.
Дәліздер мен санитарлық бөлмелерде рельефті тактильді белгілер, бағыттаушы жолақтар, кабинеттер атауы жазылған Брайль қаріпіндегі тақтайшалар және пиктограммалар (кіру, шығу, қолжетімділік, баспалдақ) бар.
Сыртқы пандустарда таймайтын жабын төселген.
Қолжетімді орындарда жүріс тіреулері (ходунки) және мүгедек арбалар бар.

Медициналық қызмет көрсету

Мектеп-интернаттағы медициналық қызмет №200007219 лицензиясы (25.05.2020, Қарағанды қаласы) негізінде жүзеге асырылады.
Бұл лицензия Қарағанды облысының денсаулық сақтау басқармасы мен облыс әкімдігі тарапынан берілген және келесі бағыттарды қамтиды:

  • медициналық реабилитология: емдік дене шынықтыру;

  • медициналық реабилитология: физиотерапия;

  • массаж;

  • бастапқы медициналық-санитарлық көмек;

  • дәрігерге дейінгі көмек.

Медициналық қызметкерлер әкімшілік пен педагогикалық ұжыммен бірлесе отырып, емдік-профилактикалық шараларды, санитарлық-гигиеналық талаптарды және оқушылардың тамақтану сапасын қамтамасыз етеді.

Мектеп-интернатта 4 дәрігер жұмыс істейді:
педиатр, невропатолог (0,5 ставка), ортопед (0,5 ставка), психиатр (0,5 ставка),
сондай-ақ 7 медбике, оның ішінде 1 массажист және 1 емдік дене шынықтыру нұсқаушысы.
Мектепте дәрігерлік кабинеттер бар, онда медикаментоздық және физиотерапиялық ем, емдік гимнастика, гидрокинезотерапия, массаж және психотерапия өткізіледі.

Қауіпсіздік және бақылау жүйесі

Мектеп 67 бейнекамерамен жабдықталған: оның ішінде 43 камера – №2 арнайы мектеп-интернатына, 24 – ДВД орталығына тиесілі.
28 ішкі және 29 сыртқы камера орнатылған.
2 дабыл түймесі «ABC BERKUT» күзет агенттігіне қосылған.
Мектеп өрт дабылы жүйесімен қамтамасыз етілген (шарт тіркелген).

Мектепті күзету «Минотавр KZ» ЖШС мамандандырылған күзет фирмасымен жүзеге асырылады (шарт №19, 18.01.2023 ж.).

Кәсіпке дейінгі даярлық

Мектеп-интернатта кәсіпке дейінгі дайындықты жүзеге асыру мақсатында
заманауи ағаш, тігін, токарь және қыш шеберханалары,
сондай-ақ химия, информатика және бейнелеу өнері кабинеттері ашылған.

Оқушылар зияттық бұзылыстары бар балаларға арналған арнайы бағдарлама бойынша келесі мамандықтар бойынша даярланады:

  • «Ұлттық сәндік-қолданбалы бұйымдарды жасау шебері»;

  • «Слесарь-сантехник (санитарлық-техникалық жабдықтарды орнату)»;

  • «Ағаш ұстасы-тескіш (столяр-плотник)».